C . D . R (GAZETY TANIKETSA ANDRAINARIVO)

Pasteur Rakotonirainy Jonson dia teraka tamin’ny 26 Martsa 1926 tao Amboatavo Manandriana (Ambositra). Zanaky Ranetsa Joseph sy Ramaria. 43 taona (1947-1990) niasana teo amin’ny sahan’ny Tompo ka ny 22 taona (1968-1990) tamin’izany no nitondrana ny FJKM Andrainarivo. Noraisin’ny Tompo hody any Aminy ny Alahady 4 Febroary 1996.
Nanao hetsika fampahafantarana izany Raiamandrenim-piangonanana izany ny taranany, sady ho fanamarihana ny faha 90 taona nahaterahany, ny Asabotsy 26 Martsa 2016 tao amin’ny FJKM Andrainarivo Fahasoavana. Nilaza ny tsara ho fantatra momba izany hetsika izany ny zanany lahimatoa, Rakotonirainy Henri.
Inona moa no natao androany ?
   Raha izaho manokana aloha dia tsy nisy iny androany iny fa saingy ny fiangavian’ireo Mpitandrina tranainy nivoaka tao amin’ny Faculté de Théologie dia nangataka izao fihaonana izao ry zareo. Rehefa nieritreritra aho dia hitako fa tena marina izany satria amin’ny maha zanaka ara-nofon’i Pasteur Rakotonirainy Jonson anay dia misy zanaka ara-panahy be dia be koa. Ireo zanaka ara-panahy ireo koa dia manana droit hahalala ny amin’io Raimanandreny io. Izay no nahatapa-kevitra ahy dia natao ilay izy.  
   Tsara izany no ahafantarany hoe inona daholo moa ny tantaran’io Raiamandreny io nanomboka tamin’ny fahaterahany ka hatramin’ny fahafatesany. Na ireo zandriko ireo aza dia tsy misy mahalala loatra izany satria izaho irery ihany no nomen’i Papanay ny enregistrement audio sy vidéo ny tantaran’ny fiainany manontolo.
   Raha ny tantarany dia ohatra an-dry Josefa namidy tany Egypta, izany hoe nisy fijaliana, nisy ezaka be dia be nataony ka izany no tiako ampitaina. Tsy mora akory ny asan’ny Mpitandrina fa ny fitoriana ny Filazantsara dia misy fitsapana maro.
   Faharoan’izay, tsy mijanona eo ny asa fa misy ny chaîne d’évangélisation. Io chaîne io dia tsy tokony ho tapahina fa mitohy hatrany ny fitoriana ny Filazantsara, ka izy Andriamanitra no mahalala hoe izao indray no iraka ampanaovina anao.
   Rehefa mijery ny fianakavianay aho dia mahalala fa hay famille Pastorale mihitsy izahay ity. Satria tamin’ny andron’i Ranavalona fahatelo dia ny Dadabenay no Mpitoriteny tao an-dRova. Ramoma moa no anaran’i Ranavalona fahatelo, io Dadabenay io no lazainy hoe anadahinay any Betsileo ka nitenenany hoe ataovy Ramoma ny anaran’ny zanakareo sy ny zafikelinareo. Izay no nahatonga ny anaran’ny Bebenay hoe Ralimoma. Ka io fifandraisana ara-panahy io dia tsy tokony ho tapaka mihitsy na ahoana na ahoana amin’ny fitoriana ny Filazantsara. Ka na dia tsy misy Pasteur aza izahay mianadahy avy dia amin’ny asa izay ataonay dia miezaka mihitsy mitory ny Filazantsara araka izay azo atao. Any amin’ny zanaka sy ny vadiko moa izao no miampita izany.
Inona no tsangambato ?
   Ny tsangambato izay efa ataonay ankehitriny dia ny bibliothèque. Satria ny bibliothèque an’i Papa dia mipetraka aty amiko ankehitriny. Atsanganay any Fianarantsoa izy io ary efa mandamina ny boky maro isan-karazany izahay mianakavy izao. Tena amin’ny taonina mihitsy ilay boky. Centre de documentation et information no ataonay anarany ary any Fianarantsoa satria any no misy anay. Any koa ny Ecole Pastorale Ivory Avaratra an’ny FJKM sy ny an’ny Loterana eny Ivory misy ny Faculté. Na ny Katolika aza mila an’izany koa. Rehefa tonga ny fotoana dia tokanana ara-panjakana izany fa ampetraka amin’ny Tompo.
   Nisy Pasteur iray nanontany ahy teo hoe dia ahoana izany izahay eto Antananarivo ? Alefa tsikelikely io. Amin’izao voalohany izao dia any Fianarantsoa ilay izy fa ho avy ny fotoana dia numérisez-na ireo boky ireo ka amin’izay fotoana izay dia hisy ny bibliothèque réelle sy numérique. Fa mbola asa tianay hatao koa dia ny bibliothèque en ligne na virtuelle. Hanokatra site izahay ka na aiza na aiza dia afaka mijery azy avokoa ary adika amin’ny tenim-pirenena roa. Efa manomboka amin’ny traduction izahay izao ka isaorana ny Tompo nanome fahasoavana anay amin’ny teny Frantsay sy teny Anglisy. Henjana be izany rehetra izany ary tsy vita moramora fa dia alefa tsikelikely ary apetraka amin’ny Tompo ny zavatra rehetra.
  Iza no nasaina tamin’ity fanamarihana ity ?
   Ireo zanany ara-panahy no nasaina. Tsy ho an’ny rehetra akory satria lasa publicité raha izay fa dia resaka fianakaviana izy ity dia ireo zanany rehetra.