NY SORATRA MITENIKO . (Ny Andri-Fara)

NY SORATRA MITENIKO<br />
Hoy ny ny Ntaolo Malagasy manao hoe: “ Manao saonjo mihoatra Akondro” ity mpandalina ny haisoratra sy ny tenin-drazany ity. Tsia! Fomba fijery efa tany amin’ny taon-jato firy nifanesy ny Ohabolana , ny oha-pitenenana, ny hainteny. Izay nanabeazan’izy ireo ny taranany. Tsy azo lavina ny fahamarinany ary mbola mitoetra amin’izao fotoana izao. Saingy! “ Laingom-boaloboka lohataona, ny mpanoratra ka notsongaina vao misandrahaka ” ary “ Volamena latsaka am-bovoka ihany koa ka tsy avelan’ny soa tsy hihiratra ”. Indro ary ny Ohabolan’ny taona arivo fahatelo na ny “ Soratra Miteniko ” atolotro mba ho eo am-bavanareo mandrakariva ny kilalaon-teny mba vitako tao anatin’ny fe-potoana sarotra teo amin’ny fiainako. Tsarovy fa ny mpiara-monina no toy ny Sekoly iray lehibe mampianatra na tsara io na ratsy. Tadidio fa ny toe-tsaina tia karokaroka no heverina hampandroso . Na dia noheverina fa adala aza mety hampahamenatra ny hendry.<br />
<br />
Ny Mpanoratra <br />
01.-Toy ny rano notampohana asindra; tsy mamono fa mamelona.<br />
02.-Ny fo tsy te ahalala lavitry ny manina.<br />
03.-Rafotsibe no leom-pitiavana ka nahoana aho no tsy ho tia.<br />
04.-Toy ny Masoandro mody tsy lasa aiza fa indro miverina ihany.<br />
05.-Mampisara-bazana toy ny politika diso fiantefa.<br />
06.-Lalonan-diavolanana sady mibanjina anao no mibanjina ahy.<br />
07.-Aza manahy ny ho ampitso, itodiho ny dina nifanaovana omaly.<br />
08.-Kalon’ny Mandritsara, tsy maha manina fa mampamelovelo.<br />
09.-Aza mihambo ho mahay fa mbola resin’ny bado.<br />
10.-Raha hianatra fahazotoana.Mandehana aloha jereo ny vitsika<br />
11.-Fitia miorina an-daba-pako, ka anjakan’ny adala.<br />
12.-Vahinin’ny Andriamora, variana nitazana ny tsy ho azony akory.<br />
13.-Tia ka nahoana no lazaina fa adala sa adala nanantena fa ho tiavina.<br />
14.-Aza manembona ny fofo-manitry ny hafa tsy hiara-dalana aminao.<br />
15.-Nahoana no mitovy zo kanefa tsy mitovy ara-potoviana.<br />
16.-Tambatambazan-ko ambakaina; tiana ihany kanefa ankahalaina.<br />
17.-Tsy misy matiantoka noho ny tia, satria sandaina arivo arivo izany.<br />
18.-Ray aman-dreny tsy misorona, loza ho an’ny taranan<br />
19.-Aza mifaly toy ny tapa-tongotra mandeha tongotr’efatra, hay solony ihany.<br />
20.-Na maty aza aho tsy avelan’ny fisainany tsy ho resy tondro-maso<br />
21.-Mbola eo ny eritreritra hanenjika anao nandavo ny rariny.<br />
22.-Tsy avelan’ny nenina hanjaka ny ratsy.<br />
23.-Raha salaka mihodidina ny tso-drano, tsy mateza fa miboraka alohan’ny fotoana.<br />
24.-Zaza maditra hoy ianao, jereo aloha ny vitanao fahiny.<br />
25.-Tsy lavolavo foana ny mahery fa nisy mpamingan’azy teo.<br />
26.-Ny aina tsy hita maso, kanefa mamelona anao.<br />
27.-Ny fijeriko ny tiako. Itodihana mahafanina, banjinina maha ovitra<br />
28.-Naleoko eritreritra ihany mba handrenesako izay ao an-tsainy.<br />
29.-Na ho ela na ho haingana tsy avelan’ny tody tsy hiakarapoka.<br />
30.-Tsy misy mafaitra noho ny nenina tonga tampoka.<br />
31.- Izay nataonao omaly ihany no valin-kasasaranao androany.<br />
32.- Tsy adala ny tia, fa ny tia no natao hanelingelina ny saina.<br />
33.-Aza maniry ny elatry ny vorona tsy ho azonao akory.<br />
34.-Na dia naniry ho loharano aza, tsy mba niandry ny ranomasina haka azy.<br />
35.-Maty namela otrika toy ny otrik’afo ny fitiavako anao.<br />
36.-Ny fo natao hanafenana no namboraka ny tsy nolazaina.<br />
37.-Fitiavana ve! Toy ny rano sy afo, ka sady mamono izy no mamelona.<br />
38.- Aza manao tahaka ny siny fa sady nitoera-maloto no asina madio.<br />
39.- Ny fihavanana toy ny torimaso hariva fa rehefa maraina miverina ihany, ka asakasakao handrava izany amin’ny teny tsy voahevitro.<br />
40.-Ny fitiavana manaraka toy ny aloka, hadosirana! Indro eny ihany.<br />
<br />
41.-Ataovy toy ny fitia varavarana ny fitiavanao azy fa miaro amin’ny loza, manidy ny fo tsy ho tia olon-kafa.<br />
42.-Aza mijery ny eo anoloana fa izay hiafaranao banjinina.<br />
43.-Tsy misy lehibe noho ny solosaina fa ny olona ihany no afaka mibaiko azy.<br />
44.- Sambatra lahy ny mpanety fa izy ihany no afaka manodikodina ny lohako.<br />
45.-Aza manao fisaotran’ny ganagana fa kely mampiferinaina, betsaka mahagaga.<br />
46.-Aza manao fitia hiandronann’ny tsiny.<br />
47.- Raha fitia feno fihatsarambelatsihy, avereno amin’ny tompony ihany.<br />
48.- Tsy no sola no be voninahitra fa ny fo lavitry ny ankaso.<br />
49.-Aza mijery ny volofotsiny fa jereo aloha ny fo amam-panahiny.<br />
50.-Very ianao raha sodokan’ny bika aman’endriny.<br />
51.-Ny fihavanana tsy maha lavitra ny tia sy ny manina.<br />
52.-Aza atao fihavanan-toaka fa ady no hiafarany.<br />
53.-Ny fitiavana tsy anjaran’ny kanosa saingy mampidrikidriky ny mahery.<br />
54.-Tsy ny faheresena no nampitomany fa ny toetra tsy zaka niniana natao.<br />
55.-Sambatra ianao itoeran’ny bika aman’endrika saingy tsy tohako izato toetranao mifanahy toetran’alika.<br />
56.-Tsy izay rehetra fahavalo ihany no tena fahavalo fa ny tsy manam-pitiavana ihany koa.<br />
57.-Raha hiantafika ihany aza miantehitra amin’ny kamo.<br />
58.-Ny hetraketraky ny tany leoko ihany fa ny hetraketrakin’ilay sakaizako no tsy tanty.<br />
59.-Lany henatra toy ny alika tsy voabaikon’ny sainy ny ratsy toetra.<br />
60.- Tsy mahalala menatra toy ny alika manokotoko etsy sy eroa.<br />
61.- Tsy nisasarana tsinona ka anjakan’ny noana sy adala.<br />
62.-Miseho ho mpanan-karena tsy kahihitra madany ny azo.<br />
63.-Harena tsy azo amin-drariny aza mba eboeboina.<br />
64.-Tsy ny fihavanana no taloha fa ny fitiavana ka asanao tsy ho tia.<br />
65.-Raha tsy adala aho ka hanompo ny hazo izay novoleko.<br />
66.- Ny sikidy tsy misy intsony fa ny fitaka no be ka aza mba tratrany.<br />
67.- Aza manafin-kilema toy ny lava zipon’Antananarivo.<br />
68.-Aza anafenan-javatra toy ny fivavahana; fa sady atsy no an’ny eroa.<br />
69.-Fitiavan-tsezan’ny mpanao politika ka hamoronana ny tsy misy.<br />
70.- Laingalaingan’ny ramoravava fa raha azony ny seza hampangininy ianao.<br />
71.-Tsy misy Andriamanitra mangina fa rehefa tratran’ny kapoka mandrivirovo, miantso ny Anarany ihany.<br />
72.- Andriamanitra tsy tompon’ny fankahalana fa ianao no namaritr’azy handemena ny fanahin’olona.<br />
73.- Zaza diso fitiavana, fahafatesana no tadiaviny.<br />
74.- Zana-domohina irery amoron-kamoro, tsy mierikerika intsony fa leo ny hanin-kavana.<br />
75.- Aleo lavitry ny fisarahan-janaka toy izay nandiso fanantenana ny antson’ny Tompo.<br />
76.- Ny rano no tsy manam-piafarana, ny eritreritra no mitovy aminy.<br />
77.- Aza heverina ho toy ny lohasaha ny fitiavana atolotra fa tsy ilaozan’izay tsy ahenoana taraina.<br />
78.- Fitia faty, fitia velona fa lozan’izay nandatsak’aina.<br />
79.- Ny eritreritry ny fo leoko ihany fa ny eritreriry ny saiko no tsy tanty.<br />
80.- Tadiavo aloha ny toe-po tsara voatra dia handositra anao ny fankahalana.<br />
81.-Rehefa tia dia manolotra ny kely indrindra eny aminy toy ny voromahailala mifanoroka.<br />
82.-tsy voasaron’ny ngidy sy ny taraina ny fitiavana madio tsara fototra.<br />
84.- Tiavo izay tianao fa iza moa no hianjeren’ny nenina.<br />
85.- Toy ny volam-penomanan-takariva ny fo lavitry ny tiana.<br />
86.-Aza mijery ny saronan-karona natolon-drafivavy fa sady mandatsa no voalatsalatsam-bady.<br />
87.-Tsy ho foana ny fifandrafiana raha mbola misy tsy tiana.<br />
88.-Ny zoky no toy ny kiady vonon-kiandry ny tanàna fa I zandry no antily manamontsana ny be karokaroka.<br />
89.-Taitra ny sarivazo nandalo angaha ’zato havako no tsy naharay lamba izato izy.<br />
90.-Raha ny zoky no maro-taraina tsy mahagaga raha very hasina ny tokan-trano.<br />
91.-Tsy ny haren-drafozana no fitia tsy hivaly fa ny herim-pon-dehilahy ho rafozanina mitily ny halemem-binanto.<br />
92.-Aza manary tena toa fako na miankina aminy aza ny momba ahy sy ianao.<br />
93.- Anabavy iray tampo na tsy mpandova aza manana ny vadiny hianteherana.<br />
94.-Ny harena azo amin’ny halatra, toy ny rano notovoziana amin’ny sobika.<br />
95.-Tsy ny saiko no adala fa ny fiheverako, fa hay mbola misy tery ihany ny ambony fahalalana.<br />
96.-Aleo maty fahalalana toy izay very an-javona ny zo sy ny fahafahako.<br />
97.-Matoa ilay tsy manam-pitsaharana nanondro ilay tsy tiana, fantany fa tsy hamadika azy.<br />
98.-Hevero toy ny anatra tsy hisy fanenenana ny loza mitatao eo an-dohanao.<br />
99.- Iray ny fo, iray ny saina fa ny fieritreretana no misandrahaka.<br />
100.-Tsy ny alina no miteram-pahavalo, fa ianao no manita-tsaina.<br />
101.-Toy ny boka notoloram-bady ve ! Ka tsy manan-katolotra ?<br />
102.-Ela ny ela fa azo atao ihany ny mampangina ny vahoaka amin’ny fampanantenana poak’aty.<br />
103.-Iza no niteny tamin’ialahy, fa raha tojo mihorirana fanina; tojo mitsivalana miraparapa.<br />
104.-Tsy ny vorondolo intsony no tsy miseho masoandro fa ny fisainana nateraky ny fialonana.<br />
105.-Na maty aza ilay nohampanginina tsy avelan’ny eritreritra ho lasa lavitra ny mpamono.<br />
106.-Mahagaga fa hay mbola mitoetra ny fitiavan-diso nanapenany ny fankahalany.<br />
107.-Mamy ny zanaka fa ny vola sy voninahitra no tena loza.<br />
108.-Malemy fanahy toa bado, kanjo mijoko ny fanananao.<br />
109.-I Dada sy Neny no toy ny diamondra lafo vidy ka sady harena no voninahitra.<br />
110.-Dongidongin-tsakaiza tiana tsy ho aiza izy fa handany ny harenanao.<br />
111.-Aza mandindona toa aloka fa ny tompony ihany no ampitahoriny.<br />
112.-Raha ho avy izay fotoana hangatahako atolotra anao ny tsy ananako<br />
113.-Fitia tsy atakalo ny tody sy ny lahatra, ka tongava amin’izay mangataka raha ho avy ilay nantenaina.<br />
114.-Tsy ny tanin-jaza no nahatongavany fa ny hitsikilo izay notadiaviny.<br />
115.-Vonoy ny fankahalana dia hanatona anao ny fitiavana.<br />
116.-Aza menatra toa biby fa sitrapo ny te hisaraka.<br />
117.-Menatra aho raha olo-mahay no mitomany hitovy amin’ny adala.<br />
118.-Tsy aleo ve very ho zokony toy izay fahanan-dava izao<br />
119.-Matoa misy ny fisaonana tsy fiombonam-pahoriana fa noho ny henatr’olona.<br />
120.-Aleo mananotena hanam-pahoriana toy izay feno harena handry andriran’antsy.<br />
121.- Mahery fiavy toy ny antso an-tarobia ahelin’ny olona ny tsaho.<br />
122.-Tsy ny vahoaka no malain-kiadana fa ny mpitsetsitra no tsy mahalala onina.<br />
123.-Fahantrana mojoy an-dàlana tsy fidiny ho an’izay niharany.<br />
124.-Kahihitra toy ny mahantra kely vola tsy inona fa te hitovy amin’ny mpanana.<br />
125.-Raha fitia nolaroina valifaty aoka hiatra amin’ilay nanao azy.<br />
126.-Aza mihevi-tena ho hendry fa mbola ambakain’ny adala.<br />
127.-Tsy ny marary no mahalany hanina fa efa akaiky ny fara famoizana.<br />
128.-Soa ihany ianao tsy tonga namangy fa saika loza no niseho.<br />
129.- Vitan’ny Malagasy ihany ve ha hanitsahako ny any ivelany.<br />
130.- Fiteny ny hoe: “ tsy nahita fahoriana aho ”, fa iza moa no nandre sy nahita.<br />
131.-Raha tsy maintsy hifidy ihany moa tsy izay tiako no manendrika ahy?<br />
132.-Aleo jamba mifampitarika toy izay mahita mahiratra mamarina an-kady.<br />
133.-Avelao ny ditra hanjaka aminao fa izy ihany no hananatra ny hendry.<br />
134.-Aiza ny marina hoy rafahamarinana fa toa izaho ihany ity no ifandrotehan’ny olona.<br />
135.- Tsy ny ahiahy no tsy hiavona am-po fa ny toe-tsaina no tena poizina.<br />
136.-Aza jerena amin’izato fitafy maloto fa ny vola hampidiriny aloha mba jerena.<br />
137.- Tsy ny kamo no malaina fa ny di-doha no mamosavy.<br />
138.- Raha ny entako tsy lafo no maha be seriny ahy haniko tokoa moa.<br />
139.- Androany aho lavonao fa rahampitso tsy ampoizinao ny handavo anao.<br />
140.- Tsy ny mati-kely no fadiranovana fa ny dedaka tsy manam-piry akory.<br />
141.-Loza ity re olona fa ny dindoko ihany no nampatahotra ahy<br />
142.-Tsy ny foko no leo anao fa ny saina aman’eritrerotro koa; Aiza ko ilay natao ray aman-dreny ity no nampivadravadra.<br />
143.-Tsy misy sain-kanina fa ny te hampahory no maha maika.<br />
145.-He! Jereo aloha izay mba eritreritrao vao mba mùiteny.<br />
146.- Tsy ny saka ihany no manafin-koho fa ny loza dia ny olona.<br />
147.- Tsy ny zavatra simba no mampalahelo fa ny fahatsiarovana raketiny.<br />
148.- Hanina an’i Mandritsara tsy inona fa fitia tsy te- hisaraka.<br />
149.- Sodokan’ny tranoben’ Iarivo ka ifandrotehan’ny tsy tena tompony.<br />
150.- Aleo very hasina mbola velona toy izay maty vao atao firesaka<br />
151.-Fitia diso hanta tsy inona akory fa tahotra ny ho taiana.<br />
152.-Lazaina fa ratsy ny vita Gasy, loza ! fa tsy hitany akory ny an’ny Sinoa.<br />
153.-Aza mivoady fa sao alain’ny Tompony<br />
154.-Ny eritreritra toy ny tsiny nalefan’ny olona niangaran’ny feon’ny fieritreretany<br />
155.-Tsy ny vintana no mahery na ny tody no manjaka fa ny teo-tsaina no nanimba ny soa toavina Malagasy.<br />
156.-Aza mihomehy ny manan-kilema fa mbola hiteraka indray andro any.<br />
157.-Ny olombelona toa hazo maniry fa misadrahaka ambany ny azy ny toe-tsaina.<br />
158.-Very fanahy toa hazo irery atopatopan-drivotra eny an-tampon-kavoana ny ratsy fanahy.<br />
159.-Voninkazo amoron-parihy alaivo aho raha afakao hoy ny Tatamo, saingy hazo amoron-tevana ny mpaka ka matahotra ny tandindony.<br />
160.-Ny endrikao toa felam-boninkazo tsy vita nanahary saingy halazo vetivety fa ratsy karakara.<br />
161.-Adala ve aho ka hiady amin’ny olona manam-bola sy mahitahita, rehefa lavony ataony fihomehezana.<br />
162.-Ny sahobakaka no mitabataba tsy hifandrenesana.<br />
163.-Loza fa ny amalona natao laoka no namadihana ny namana.<br />
164.-Tsy misy tahaka ny adala, tenenina mora mamitsaka. Ny hendry arakaraka ny hitenenan’azy vao mampirifatra.<br />
165.-Ny fitiavana rano mangarahara, ianao hitako izaho hitany.<br />
166.- Voasary notapahan-dririnina, lohataona izy hisandrahan’izato felany.<br />
167.-Azafady hoy ilay tokana, moa tsy izaho no hisafidy ny tiako.<br />
168.-Angaha moa rehefa nanaiky ho resy dia efa vonona hanakora ahy ‘ty ianao.<br />
169.-Toy ny ranomasina tsy tazam-piafarana ny halehiben’ny fitiavako anao.<br />
170.-Ny mpandalo manao hoe: “ aiza ny bika aman’endriny ? ”, fa izaho kosa ny halemem-panahiny no katsahako.<br />
171.-Aza sodokany vady vao nampakarina fa sao ho mpiasa be handaniana ny masokarena.<br />
172.-Rafotsibe azon’ody ka ny zanaka ama-jafiny avy no tsy afa-bela.<br />
173.-Sahirana toy ny maty tsy afa- nitondra na dia sotrokely iray aza ihinanam-bary.<br />
174.-Be filazam-pahaizana, fa tsy nisy nahita hoe: “ hatraiza ny làlan-diso ny fahalalan’olombelona ”.<br />
175.- Ny toerana ambony notanako no hanitsakitsahako ny zo sy ny fahafahan’ny hafa.<br />
176.-Avelao ho lavon’ny fahantrany refefa tsy vonona ny hihary harena.<br />
177.-Maty aho fa ilay sakaiza nitokiako no nivarotra ny fahamarinako.<br />
178.-Leo laza toy ny sakaizam-bohitra mamingavinga ny mpiray tanindrazana aminy.<br />
179.- Avezivezin’ny fieritreretana tsy naha leo ditra ny voninahitra azo.<br />
180.- Kely rehaka kanefa mintso ny mpiatafika hanafika azy.<br />
182.- Raha misy tiana ka mihoatra ny fitiavany dia ny fiangaviany ny tsy hibanjinanao ny fahantrany.<br />
183.-Sahirana ny saiko milaza fa tia , kanefa ny foko manalavitra an’ilay ho tiaviko.<br />
184.- Nahoana ianao no manambara fa tsy misy fantatrao izay ambarako. Sa! Mihevitra ny tenanao ho ambony fahendrena ka manosihosy ny tsy mba manan-kambara.<br />
185.-Aleo biby tsy mahalala izay hiafarany toy izay olom-be manan-tsaina izao ka mitovy laharana aminy, fa mihevitra ny tenany tsy ho azon-tsampona ka ny malemy tokony ho arovana no tolomina ( Hifampitolomana ).<br />
186.- Aza mihevitra ny tsy mahay ho bado fa lasa lavitra izy raha ny saina sy ny hafetsena no heverina.<br />
187.-Misy mihevitra fa ny faratampin’ny maha olona : Fahaizana, fa hevero kely ity; Avy aiza ny Hadalana?<br />
188.-Tsy misy very sasaka noho ny hakelezan-tsaina nefa miaro ny kely ananany.<br />
189.-Tsy ny aloka no manenjika anao na ny eritreritra no mampamaloka anao fa ny toe-tsaina mivonona ny handrodana ny namana ka tsy mahita ny fahatonian-tsaina.<br />
190.-Tsy ny Tatamo no te ho any aminao fa ny fitsiriritanao azy no hanimbanao ny hankatony.<br />
191.-Aza sodokan’ny harenan’olona, fa tsy tompon’ny aianao fa mpindrana fotsiny.<br />
192.-Aza misahirana mieritritra ny ho ampitso fa ny rahariva hatrehana.<br />
193.-Vita ny amiko, tsy noho ny aminao fa vokatr’izay nanampotika ny fanahiko.<br />
194.-Matoa aho lavitra anao, tsy tsiniko rahavako, fa noho ny ankason’ny tany.<br />
195.-Aza mijery ny bika aman’endriko. Jereo aloha ny fitaratra.<br />
196.-Raha lavo aho tsy ianao no namingana ahy fa ny eritreritro ihany.<br />
197.- Misy ny tia natao hankahala ka aza gaga ianao na mamoifo.<br />
198.- Noana ny olona, voky ny mpitondra.<br />
199.- Tsy ny fahavalo no fahavalo fa ny fo amam-panahinao.<br />
200.-Na lavitra aza ianao tsy aiza aho fa manaraka anao eny ihany.<br />
<br />
Tout droits réservés pour tous pays y compris.<br />
Conception et saisie : Ny Andri-Fara. Micro Edition « MEVA »<br />
Roneo special. D.L.02/2005. PRIX: 6.000 Fmg ou 1.200.Ar<br />
Adresse : ANDRIANARIVO Fanomezantsoa Raphaël<br />
Lot IIG 32 KT zep . Mangarivotra. Ambatomaro<br />
E-mail: raphaelfanomezantsoaandrianari@gmail.com. Nombre 100<br />
Raha toa moa ka hanampy ahy ianao ny amin’ny fanatontosana ho boky / 0331274919.0340150519<br />