SEDRAN' NY FIAINANA (Tsinjo RAZAKANIAINA)

Dia efa mainty isika...<br />
<br />
Tsy niposaka akory leitsy io masoandro io<br />
Dia efa mainty isika...<br />
<br />
Solo no anaran' ny dadan' ialahy, Ketaka kosa ny an' ny maman' ialahy. Avy any Ambalavao, atsimon' Ambatolampy any no fiaviantsika, fa tsy teto akory.<br />
Tao ialahy no teraka, tao no nahalehibe an' i dada sy i Neny,<br />
tao ny naha olona ahy, tao ny nikipian' ny mason' ny Ray aman-drenin' ialahy...<br />
Tsy vao izaho, fa efa tamin' izany no efa tsy nanana isika.<br />
<br />
Tadidiko tsara, akoho iray, vilany roa , ary akanjo rovitra, sendra tazan' ny dada teny an-dalana no notsiponiny, ka nentiny ho antsika mirahalahy.<br />
Ireo no hany nentitsika namakivaky, ny ririnina mamirifiry...<br />
Trano bongo no nitoeratsika tamin' izany<br />
<br />
Telo ny zanaky dada sy i Neny. Lahy avokoa: Ialahy no farany, I zoky Miavaka no voalohany :Herinandro monja izy dia maty ,hoy i mama . Izy ilay hany fotsy tamitsika, izany angamba no antony tsy naha ela velona azy , ary izaho zokin' ise ny iray. <br />
<br />
Tsy niposaka akory leitsy io masoandro io, <br />
dia efa mainty isika...<br />
<br />
Indray andro ary, sabotsy tamin' izay...<br />
Nirotsaka ny orana, nipatraka ny avandra, nilentika ny masoandro, niposaka ny volana , <br />
tsaroako, telo taona aho tamin' izay,<br />
raha iny nihaloka iny izaho sy Bema namako, <br />
Dia hoy izy tamiko:<br />
<br />
Bema: Tojo an!!!!<br />
<br />
Izaho: Maninona leitsy!!!!<br />
Sady nitsiky aho.<br />
<br />
Bema: Ilaisany moa...<br />
<br />
MBOLA HITOHY<br />
<br />