Lio mpiandry Ondry sy ny Tigra (Esther Rasoloarimalala Randriamamonjy)

Indray mandeha, hono, nitondra ny andian’ ondriny teny an-tsaha Ingahy Lio, mpiandry ondry. Nafana dia nafana ny andro ary vizambizana i Lio ka mba nipetrapetraka niala sasatra teo am-bodihazo. Dia nandalo kosa ny zazalahy kely mpiandry omby anankiray, nanatona an’ i Lio dia niara-niala sasatra taminy teo koa.<br />
<br />
Ary hataon’ ise inona ity volontsangana ity, ry Gio? Nahoana ise no mampiasa hery amin’ ny biby fiompy? Tsy tsara izany!<br />
<br />
Ianao koa anie, ry Lio, mampiasa basim-borona! Tsy vao mainka ratsy ve .<br />
<br />
Atahorako hisy mpangalatra ny ondriko, hoy i Lio, kanefa tsy dia tena ilaina ity !<br />
<br />
Natsipin’ i Lio lavidavitra ny basiny ka noraisin’ i Gio mba hilalaovàny.<br />
<br />
Tampotampoka teo anefa dia nisy tigra ngezabe nihazakazaka, nampisavoritaka ny andian’ ondrin’ i Lio. Taitra mafy i Lio ka avy hatrany dia nianika hazo. I Gio kosa, kinga dia kinga, dia ndeha hitifitra, kanjo niantsoantso i Lio nanao hoe:<br />
<br />
Aoka, ry ilaikely ity! Aza mamono biby!<br />
<br />
Tsy tratra anefa fa efa lasa ny bala, voa ilay tigra ary maty avy hatrany. Nidinina avy eny ambony hazo i Lio ary nihiaka mafy nanao hoe:<br />
<br />
O, ry ilaikely ity, nahoana ise no mitifitifi-poana tahaka izany?<br />
<br />
Raha tsy notifiriko ilay tigra dia izaho no ho fatiny teo !<br />
<br />
Tsy izany mihitsy! Ondry anankiray dia ampy azy, kanefa soa ihany fa matin’ ise izy.<br />
<br />
Dia noraisin’ i Lio ny basiny, nofahanany indray ary hoy izy tamin’ i Gio, mpiandry omby : Voatery hindrana ny ombin’ ise aho hitondrako ity tigra ity hody any an- trano.<br />
<br />
Izaho no namono ny tigra dia ianao no hitondra azy any an-trano ary ny ombiko no hitondranao azy?<br />
<br />
— Ha! Ha! Ha! Ny basiko no nitifiran’ ise azy, ka aza be resaka ise sao matiko eo ! sady nambanan’ i Lio basy i Gio kely, mpiandry omby.<br />
<br />
Angano Tetsy sy Teroa<br />
nosoratan’i Esther Rasoloarimalala Randriamamonjy