Vaingam-bolamena (Heriarilala Andriamamonjy)

Vaingam-bolamena

Indray andro, hono, nisy lahiantitra anankiray, antsoina hoe Peter. Indray andro, nangady tao an-jaridaina i Peter. Tampotampoka teo, nahita vaingana volamena izy.

• Toa vaingam-bolamena be ? Hoentiko any amin'ny Mpanjaka ity dia hahazo valisoa aho.
  Nalain'i Peter ilay vaingam-bolamena dia nentiny nankany amin'ny lapan'ny Mpanjaka.
  Nony tonga tany, nahita miaramila Jeneraly anankiray, antsoina hoe Alexei izy.
• Ho aiza ianao ry ilay lahiantitra ity ?
• Tonga eto aho hanome vaingam-bolamena ny Mpanjaka mba hahazo valisoa.
• Eny àry, hamela anao handeha aho, saingy tsy maintsy homenao ahy kosa ny valisoanao.
• Eny, Tompoko, homeko.
  Nandeha nankany amin'ny efitranon'ny Mpanjaka i Peter.
• Sarasara ianao Mpanjaka ! Indro misy vaingam-bolamena hitako tao an-jaridainako, azonao alaina ity.
• Misaotra, inona ny valisoa ilainao ? Vola? Akanjo? Tany ?
• Tsia, tsy misy ilaiko izany. Te ho voakapoka injato aho.
• Ho voakapoka ? Eny àry, raiamandreny, araka izay irinao.
• Eny, ny Andriana, azonao antsoina ve ilay Jeneralinao ?
• Eny
  Ary nantsoina i Jeneraly Alexei.
• Indro, Tompoko, azonao raisina ny valisoako izao.
• Inona izany ? Vola volamena 100?
• Tsia, kapoka zato.

Niezaka nitsoaka kosa i Jeneraly Alexei vao nanomboka ny kapoka.

Aza manandrana maka izay zavatra tsy anao.
Nalaina tamin'ny "Once upon a time", E.C T.V 06-07-26
Nadikan'i Heriarilala Andriamamonjy, 14-07-26