"I SATANA" (Tolotra Misantatra)

Araka ny fanazavana omen’ny Soratra Masina sy ny fampianarana kristiana, ny antony fototra nahatonga ny fikomian’i Satana dia ny fiavonavonana (orgueil) sy ny fitiavana ho tahaka an’Andriamanitra.
Ireto misy andalana sy antony vitsivitsy hanazavana izany:

1. Ny Fiavonavonana (Orgueil)
Talohan’ny naha-Satana azy, izy dia anjely ambony, tsara tarehy, ary feno fahendrena (antsoina matetika hoe Losifera na "Ilay kintana mamirapiratra"). Noho ny hatsaran-tarehiny sy ny voninahiny anefa, dia nirehareha ny fony.
Ezekiela 28:17: "Nirehareha ny fonao noho ny hatsaran-tarehinao, ary ny famirapiratanao no nanimba ny fahendrenao."

2. Ny faniriana ny ho ambony noho Andriamanitra
Tsy nianina tamin’ny toerana nomena azy izy fa naniry ny hahazo ny voninahitra sy ny fahefana izay an’Andriamanitra irery ihany. Te ho tompoin'ny zava-boary hafa izy.
Isaia 14:13-14: Milaza ny eritreritry ny fony ny Soratra Masina hoe: "Hanakatra ny lanitra aho; ho ambonin’ny kintan’Andriamanitra no hanandratako ny seza fiandrianako... hanao ny tenako ho tahaka ny Avo Indrindra aho."


3. Ny fialonana ny olombelona (Araka ny hevitry ny teolojiana sasany)
Na dia tsy voalaza mivantana ao amin’ny andininy tokana aza, ny mpandinika maro dia milaza fa mety ho nisy ny fialonana. Rehefa namorona ny olombelona araka ny endriny sy ny fitoviany Andriamanitra, ary nanome azy ireo fahefana hanjaka amin’ny tany, dia mety ho nahatsiaro ho voailika i Satana.


4. Ny fampiasana diso ny "Safidy malalaka"
Andriamanitra dia namorona ny anjely (sy ny olona) hanana safidy malalaka fa tsy ho milina (robot). I Satana dia nampiasa izany fahafahana izany hisafidianana ny "tenany" ho solon'ny "Mpamorona". Ny fikomiany dia fialana tamin’ny filaharana napetrak’Andriamanitra.

                                  Samia Tahian'Andriamanitra
     Tolotra Misantatra/Zavona Rakoto