AZO AMPANDROSOINA TSARA I MADAGASIKARA (AZRAEL)

Ary hamaranako ity lahantsoratra ity dia resaka fandriam-pahalemana; mametraka fanontaniana aminareo mpitondra aho manoloana ny fiparitahan'ny fitaovam-piadiana. Aty ambanivohitr'i Bemaha aty dia saika manana basy (mass36, calibre12) avokoa ny mponina, satria mpiompy omby avokoa. Fa ny mahagaga ahy koa dia ny dahalo: manana kalachnikov sy fitaovam-piadiana raitra avokoa! Mampametra-panontaniana ny fiparitahan'ireny! Ankoatr'izay dia mahagaga ahy koa ireny "milice" tsy fantampatatra be dia be aty ireny, dia ny Zazamainty, Lambamena, sns. Toa hoe manana "autorisation" ara-panjakana hitana fitaovam-piadiana, hono, izy ireo (?), ary toa hoe: "colonel"(?)  izany hono no lehibeny. Dia gaga aho, satria raha ny haiko, dia "illégal" eto M/kara ny fanaovana "détéctive privé", ny fananganana milisy... Ary inoako fa tsy handry fahalemana tanteraka ny tany raha tsy hajainareo mpitondra miaraka aminay vahoaka ny Lalàna velona!