Ireo kitapom-pako (Heriarilala Andriamamonjy)

Mpanoratra Heriarilala Andriamamonjy
Nampiditra iheriarilala
Nitsidika 244
Mpanoratra Heriarilala Andriamamonjy

Angano maromaro no ato amin'ny takelak'i Heriarilala Andriamamonjy. Angano vahiny nadika amin'ny teny malagasy avokoa izy ireo. Ny isan'ny pejy no isan'ny angano ato. Izany hoe angano iray isaky ny pejy iray. Manasa antsika rehetra hamaky. Rehefa hampiasa ny angano voasoratra ato kosa ianao dia iangaviako mba hanonona ny loharano sy ny anaran'ny mpanoratra izay nandika azy ho amin'ny teny malagasy.

Pejy 2

Ilay amboahaolo mpitsara

Indray andro, hono, nisy gisa vavy roa, i Suzy sy i Sylvia.
Indray andro, niady hevitra izy ireo. Samy tezitra, tezitra aoka izany. Nisy gisa lahy roa hafa naheno azy ireo, i Hans sy i Henry.
- Sophia ve no manana ny marina ? Iza no marina ? Iza no diso ?
Tsy nahatapa-kevitra izy roa lahy.
Andian-gisa maro be no tonga nanatrika ilay fifamaliana.
Poa toy izay, iny eny ilay amboahaolo atao hoe Jacob.
- Afaka mitsara an'izao fifamaliana izao aho. Azoko lazaina anareo hoe iza no diso dia iza no marina.
Jacob ilay amboahaolo no ho mpitsara. Izy no hanapaka izay diso sy marina.
- Afaka manao mpitsara an'izao fifamaliana izao aho. Nahoana tsy hety ? E ! Suzy sy i Sylvia a, tongava any an-tranoko. Andao hiresaka momba an'izao isika.
- Andao !
- E ! Hans ! E ! Henry ! Ianareo ve nahita ny zava-nitranga ? Hoy i Jacob
- ie, ie, ie , hoy ireo gisa roa lahy
- Hay ! Vavolombelona ianareo ! Andao dia lazalazao ahy bebe kokoa.

Nahita ny zava-niseho i Hans sy i Henry. Vavolombelona izy ireo.
Afaka fotoana vitsy, nitady vavolombelona hafa koa ilay amboahaolo.
- E ! Billy ! E ! Willy !
- Ahoana ?
- Ianareo ve nahita an'izay nitranga ?
- ie, ie, ie ! Hoy ireo gisa roalahy.

Hay, vavolombelona koa ianareo. Andao dia lazalazao ahy bebe kokoa.

- ie, ie, ie.

Toy izay hatrany hatrany no nitranga. Fa tsy nisy gisa nivoaka avy ao an-tranon'ilay amboahaolo mihitsy.
- Aiza i Suzy sy i Sylvia ? Aiza i Hans sy i Henry ? Aiza i Billy sy i Willy ?
Nanapa-kevitra ireo gisa fa handeha hijery izay zava-misy ao an-tranon'ilay amboahaolo.Tena natavy be i Jacob mpitsara, feno volon-gisa manerana ny tranony.
Takatr'ireo gisa ny zava-niseho ka lasa nanidina nitsoaka daholo izy rehetra.

Hono, ho'aho rankizy ? Raha ny eritreritrareo, mety ho mpitsara ve ny amboahaolo ?

Nalaina tao amin'ny English Club tv
Nadikan'i Heriarilala Andriamamonjy tamin'ny teny malagasy tamin'ny 25.05.26

244

Hametraka hevitra

Midira aloha